आं थाबायदों
नैबे निहिर गोग्लैफबनाय लामाजों
लामानि रूगुंसिम मोनहैनो !
थाबायदों आरो आं थाबायदों
थेवबोनो मेगननिफा्य निहिर बोहैदों !

थाबायफुनाय सम मानि
माब्लाबा आफादावदै आव सु हाबदों,
लामायाव साखनदा् लोगो मोनदोंब्ला
गांहाबननाय खगाजों सिरियै
हरनि अखोरांआव हाथरखि सानबायदों !

सानबायनानै थाबायदोंल’सैआं ,
देमग्लायदोंबा रज’ फिननो नाजाबायदों आं !

नाथाय सम-सम
बोहैनाय गुसु आरो बारनि
गेजेराव मेंरुनाय सोलेरखौ लाना सोंबायबायो आं,
दैमा,बार , सोरांनि सेराव
आरो बेसे गोजान दंबावो
सिमांनि मिजिंखौ मोनहैनो?!
लितगिरि – निजिरा मुसाहारि |
जायगा- जयमा(गसायगाँव) |
Date – 6/2/202