| |

फोरोंनायाव दिसथाब

गु खथायाव बड’ मेजरनि बि ए 3थि सेमिस्टारखौ आबौ खानाइ गुफुर सारआ फोरोंगासिनो दंमोन। बे समावनो सासे देब’जित मुंनि फरायसानि मबाइलआव हरखाबै “लाजिनायखौ जालदाब जुलदाब गारमारनोसै आं” मेथाइनि पन रिंटन पैयो, दिनि बियो साइलेनटआव दोननो बावदों। बारदावखांजुबबाय फरायसाफोरा लोगोसे आबौ खानाइ गुफुर सार आबो। मालाय आबौ सारनि फोरोंनायखौ फरासाफोरा गोसो होना खोनासंगासिनो दंमोन। : हा हा हा हि हि हि ,,,,, देब’जितनि फारसे नायहरना फरायसाफोरा मिनिहरो। सार आबौआ रागा दिउ दिउ जाबाय आरो मेगन थाइनैखौ मोसेर सेर खालामना नायहेबबाय देब’जितखौ। आथुर बिथुरनो पनखौ दानबाय देब’जितआ आरो लाजिबायबो। : मा जाखो बेयो देब’ एसेग्राब मोजां फोरोंनायखौ ? : सरि सरि सार दिनि आं मबाइलखौ साइलेनटआव दोननो बावदों,,,,,,थोर थोर गिनानै देब’जिता फिन होयो। : थोथ,,,, सावसुब बावसुब,,,,,,सार आबौआ गोख्रों रावजों दाद्रि होयो। दानाबा देब’जितआ मोखां सोम। : गाबोन बिदि फोरोंनाय आव सोरनिबा मबाइलआ दिसथाब खालामबावोबा दिगदार दं हले बेखौ मिथिखा नोंसोर,,,,,,रायसिन रायसिन रायनानै सारा ब्लद। आरोबाव थिख बेबादिनो अखानायै 9:30 रिंगासोआव खानाइ गुफुर सार आबौनि फोरोंनाय दं। कलेज मोखांआव साइकेल दोनना हाखु दाखु देब’जितआ गु खथायाव फैयो। बावबाय देब’जितआ दिनिबो मबाइलखौ साइलेनटआव दोननो। नै मिनिटसो थांग’बायमोन सार आबौनि फोरोंनाया। : हाबनो हागोन ना सार,,, ? : ओम फै,, दिनि मानो लेड जाखो?,,, सार आबौआ सोंनायसै । : साइकेल सेन गदोंमोन सार ,,, : ए दे,,,,, देब’जितआ बेन्चाव जहैयो, सार आबौआ फोरोंनायखौ जागायजेनफिनो। फोरोंनाया नैजिबा मिनिटसो जाबाय, बे समावनो देब’जितनि मबाइलआव पन फैलायबाय। खे खे खु खे मिनिजुबबाय फरायसाफोरा । सारा रागा दिउ दिउ जाबाय। : सोर थं गैयि खानाइ गोलावआ पन हरबाय थायो नोंनावलाय,,,,,? : सरि सार बिदि नंआ, दिनिबो बावदों आं । : बावदों बावदोंसो होनदो नों,,,,हर गोख्रै मबाइलआ आंनो आरो नों बेनिफ्राय दानो ओंखारलां गेट आउट फ्रम हेयार , सावसुब बावसुब फोरोंनायाव दिसथाब,,,,,,।लाजिनाय मोखांखौ लाना देब’जितआ सारनो मबाइलखौ होनायसै आरो बाहेराव ओंखारलांनायसै। ○○○○○○○○○○            

                                                                                                       

लिरगिरि  – देब’जित बसुमतारी

Share it now

Similar Posts

Leave a Reply

Your email address will not be published. Required fields are marked *