खबामआ सिलिंबाय

सानै सानै सानैनो
रोंनोसो रोंआसै जिउनि गुबै सान्थौखौनो,
साननायनि लैथोआवसो आं बोरैबा गब’फ्लांबाय
दिंआ जावलांनो, हरै बोरि गाहैनो साननायालाय।
बोरै फोरमायनो आरो सोरनोथो ?
जायनो आं फोरमायगौ बियो जादों नुवाथारि,
जायफोरा खोनासंगौ बिनो आं मा फोरमायनो?
मानोबा जिउनि खबामआ खाबजायि।
जेरैनो मेरैनो जिउखौ आबुं मोननायबादि मोनदोंमोन
उखुमब्रि जामनायबादिसो जेन’ जामगासिनोगोन,
लासै लासै खोमसि मोलेरलेर जादोंआनोसै
बेओखि सान्नैसोजों उखुमब्रिनिबायदि देरलांफिनगोनसै!
सैथोनि आइखुंग्रिआ थारैनो आंखौ आन्जाद लादों
हां थे थे जेन’ गोदोना सरथेलायथारदों,
आं जेन’ जेनहां जेनथारहां
नाथाय आंबो खेनसे स्रा हगारना फिनखेब लाफिनदों हां।
खन्थाइ सारिनि बायदि जिउ सारिखौबो गोरोबहोनो
आं सोरजोंथो सोलोंबावनो !
गोसो खायसिब बोरैबा ससेआवनो मिलियासै
जिउनि खबामआ सिलिंबाय।

By –    मिनाक्षि ब्रह्म