मिथिंगा
नोंदि बेसे समायना !
हाजो-हाला, दैमा-दैसा
बिफां-लाइफां सोमखोर सयायना
नों मिथिंगा ।
नोंनि बिखायाव
बारदै सिखोला गोसो हसारै,
बायदेमलाय सुदेमलाय मोसादों
रेसम जोमैनि खानाइ हसारना ।
नोंनि अननायाव दावसिन-दावला,
जिब-जुनार, सुबुं माहारि,
नों दानागार आं दानागार
अनज्लयना दं जों नोंनि बिखायाव ।
दाउमा-दाउसा, बेरे सिखिरि
बाहां बिरहां हायला हुयला ,
मोसादों गां फुवार-फुवार
नों मिथिंगानि गुवार बिखायखव ।
नोंदि बेसे अनसुलि
नोंनि अन्नायजों बोनथुमना दोनदों
बुहुमनि हारि माहारि
अय’मिथिंगा नोंदि बेसे गोमोथावना ।
BY – Sondrika Narzary
B. ED 3rd semester,EDUCATION
Reimalie academy college